Chairperson : MT
話咁快Promotion Period咁就完咗喇~我哋忙左一個月嘅成果就喺呢段呢兩個禮拜展現咗畀大家睇。喺pre Pro p開始嘅期間，我哋由一無所知、唔知點做，慢慢變到開始上手。
喺pre Pro p途中遇到好多辛苦嘅事情，其實又稱唔上話好辛苦，只喺一種未試過既體驗 ，通宵整dec、構思Pro p用嘅game、設計、組裝大dec、去唔同展覽m珍珠板等等。一開始去會展嘅時候，因為未習慣點樣去m珍珠板，同埋會場限制嘅問題，我哋只係攞到好少嘅珍珠板同紙皮。但之後開始習慣咗，喺之後幾個展覽都攞到唔少嘅珍珠板。嗰一下先有真係真正m嘅感覺，望住成個貨車嘅紙皮同珍珠板，感覺真係好爽！
雖然試過要通宵整dec，但我同我嘅莊員選擇係呢個咁攰嘅時刻走落去seafront睇日出，宜家諗番起都覺得好jeng~有時候瘋狂叫外賣宵夜，半夜三更喺咁食野，好彩我喺啲食極都唔肥既人XD
搬牌匾嘅時候，喺我第一次行大斜上atrium條路，黑麻麻，自己一個真啲唔敢行。上大dec個陣，好在有我一班嘅莊員，夾手夾腳諗辦法將個大dec裝上個角鐵度 。雖然喺pre Pro p嘅時候唔喺每一刻都齊人，但都多得我呢班莊員先可以順利將啲野搞掂哂。
Pro p一開始個陣，好多野都未習慣，唔太敢去promote自己，但慢慢咁我都由怕怕醜醜，變咗敢去周圍r水吹。最明顯嘅改變喺Chanting，第一次聽到cheers個陣手腳唔協調，又唔記得啲字，但由Pro p開始就夠膽大聲嗌出黎，成班莊員一齊嗌，係會嗌到好開心好high嘅！
Pro P喺我上莊嘅第一個活動，咁就完咗，亦都喺我上莊既開始。好感激中間有上莊嘅幫手，令我地可以更順暢咁適應上莊呢樣野；亦好慶幸有我既莊員陪住我，我地一齊努力過、捱過、笑過、放鬆過，一齊渡過咗呢個Pro p~
愛你們❤
Internal Vice-Chairperson : Ava
諗返當初由com莊到完Pro P好似經歷左好耐 但認真咁數 原來只係過左短短兩個幾月😂呢段時間差唔多日日都對住呢班莊員，對住佢地仲多過見屋企人，無形之間已經建立左段段珍貴嘅友誼。望返呢段時間嘅相，好多回憶湧上心頭，就算嗰段時間可能係chur係辛苦，但唔知點解辛苦嘅回憶總被腦海過濾，留下嘅只有整dec時嬉笑打鬧同同心協力做好件事嘅快樂回憶。Pro P無疑係辛苦，有人其間問過:「上莊又要出錢又要出力，仲要被上莊con，點解仲要咁傻？」無錯，我可能係傻，有覺得力有不逮、傷心、 氣憤、無助，亦都有埋怨過，但更多嘅係對決定要做嘅事個種執著同傻勁，仲有同咁多位莊員並肩作戰，帶黎一點不一樣嘅動力同決心。有啲事喺旁人睇落可能做完都無用，但係我認為只要盡力，所有嘢都會有得著，都會值得。人必須有付出先會有豐盛嘅收穫。
未來一年請多多指教、互相扶持，一齊成長、一齊改變、一齊搞好啲活動，我一世嘅莊員！🔥
Internal and Human Resources Secretary : Ashley
也許大家未太清楚prop是什麼回事，沒有預計到是多麼的chur，最初prep prop 還不時迷失方向, 感到不知所措,感謝莊員們互相幫助，亦感謝我們的上莊多番提點和引領我們, 才能完成所有準備工作
親身體驗完艱辛難忘嘅 Prop, 回想返期間經歷咗好多波折, 我學識咗好多野, 發揮自己嘅才能同急才去解決困難。縱使我地感到多麼的疲累, 但我地每日仍裝作無恙，因為意識到心態和信念對上莊呢樣野係有幾咁重要。
Prep prop 由美食展到工展會少不免會遇到重重困難, 尤其今年的保安看似比以往特別嚴僅, 令搶珍珠板和撿拾紙皮的過程變得更加繁('煩'xd)複, 大家好厚面皮不顧一切去攞 prop 材料, 但一切也十分青春啊, 仲有連夜趕工整 dec, 喺 piazza chanting 等等都好熱血! XD
連Prop呢個年度大宣傳活動也經歷過 我相信未來一年必定能夠捱下去, service trip, ocamp 難唔到我哋嘅 ;)， 希望大家可以抱住貢獻助人嘅精神, 盡心盡力為四蛇付出, 莊員們一同加油吧!!
External Secretary : Ivan
由成莊到Pro.P完講真真係有血有淚.。雖然過程係辛苦嘅但係都相信係值得嘅。
由Pre Pro.P 嗰時我哋去咗無數展覽，拎左無數嘅珍珠版同紙皮開始，我就覺得上莊呢件事應該會幾好玩。雖然起初都唔習慣厚顏無恥咁周圍問啲嘢要唔要，但係原來你只要夠自信冇嘢係做唔到嘅XD ,亦都因為咁令我哋收集到夠多嘅物資準備我哋嘅Pro.P。
講到整遊戲同牌面就係考起我哋嘅創意同團隊合作嘅時候，雖然起初我哋團隊上嘅溝通出現咗少少誤會，但係有幸我哋可以齊心搵到個問題根本，令我哋整嘅嘢更加美觀同有效率，雖然遊戲同牌面製作過程就一定辛苦有時又要捱夜咁ga啦，但係當整完之後聽到大家都讚我整嘅game好玩個時，我都好開心。信我！呢件事一定係值得嘅！
至於Pro.P嗰時最深刻嘅事就一定係成班傻仔砌完個大dec base一齊搬上大斜la，當初真係心諗早知叫車啦，但係成班人做完傻事依家諗返起真係算係一種美好嘅回憶。
而上莊就梗係唔少得chanting in the Piazza la! 呢個應該係我人生數一數二覺得尷尬但係青春嘅嘢啦。點樣將啲人哋覺得好奇怪嘅嘢chant 得有文有路之餘又令人認得四蛇？就係靠大聲同自信la! 雖然最後把聲沙晒應該走唔甩，但係呢個絕對係你上過科大四蛇莊嘅一個烙印同證明！！！
Promotion Secretary : Tommy
時光飛逝，決定上莊好似係昨日發生的事。由1月中比人邀請上莊，prep pro p到1月尾，再pro p到2月中，去到而家成功過咗polling，每一件事都好似命中註定，唔上四蛇唔得😂😂。
一開始prep pro p個時，我同大部份人都唔熟，淨係得AL, Hayden,Wing 比較熟dd。
Warm and Caring 的四蛇每一個都好易yo熟，等我襯而家講下佢地每一個人係點先🤤🤤
MT: 我地偉大的P，做野好勤力，每一樣野都會親力親為👏🏻👏🏻，但係要做多d決策，唔係就無P的性格😛
Ava: 我地親愛的IVP，成日都好大壓力，就快變成月球表面，而家有佢，就笑多d，咁就人都靚d🥰
AL: 我地最yo的EVP，成日半夜去cum野，辛苦大佬，小心個肝😂😂
Ivan: 我地最大隻的E-Sec，運動健將，仲要好好傾，簡直係男神🤤
Ashley: 我地十項全能的In-Sec同HR，無論係minutes，畫畫，定係羽毛球，只要去到佢手，無野係靠唔掂👻
Jony:我地最識省錢的Fin Sec，每次講起買野，佢就知邊到有Jetso💦，簡直係天文台
Hugo:我地最識r福利的Mark Sec，每論係食，定係護膚，都無樣難到佢，仲唔係想養到我地又肥又白😍
Wing:我地最靚的Pub Sec，只要係關Social Media事，就無野難到佢，聽講佢玩Pubg未輸過☠☠
Natalie:我地最強魔術手的Pro Sec，只要係靚的問題，都難佢唔到。黎緊的Soc Tee無最靚，只會越黎越靚💗
Issac:我地最文青的Welfare同Gen Sec，唔好睇少佢好似好細隻，佢的力量同持久力真係非同小可。傳聞中，佢好似係單車代表🚵🏻🚵🏻
Hayden:我地最搞笑的Gen Sec，唔好見佢好古板，佢講的笑話可以令我地的壓力無唒，好過所有的壓力藥🤪
完咗Prep Pro P，就係我地識Member的時間，唔同的遊戲，唔同的人，就擦岀唔同的火花。多謝大家對我的支持，係抽獎的時候大叫，諗起都熱血同興奮。
❤我地係四，你地係蛇❤
💗四蛇，四蛇，四蛇，Sirius💗
我地嚟緊的莊期，靠你地的支持，繼續大聲支持四蛇❤🧡💛💚💙💜🖤
General Secretary : Hayden
記得當初決定上莊嘅時候，我以為上莊可以玩玩下，但係做落之後發現唔係，由準備prop D嘢去到prop嘅時候，雖然每日都要好辛苦咁整declaration，當中和莊員之間有不少嘅爭執，有時候因為太辛苦甚至有想退出嘅衝動，但係一唸翻起上莊時嘅初衷，一切離去嘅藉口都拋諸腦後。
上莊，一個可以與好朋友一齊奮鬥嘅機會，也是一個值得揮灑青春汗水的事。我地pre pro p開始，日日都見面，一齊去工展會，美食展收集整dec需要用嘅材料，過程中雖然好辛苦，過後也筋疲力盡，但係我們夠明白一齊合作去做好一件大事，是熱血的，也是創造美好回憶嘅好方法。
到了正式pro p嘅日子，我地莊員互相合作，努力、耐心地向路人推廣我們的候選內閣，我那段時間感受到自己從未有過的巨大動力去推使我做好這件事—pro p。
到了polling嘅時候，我地每一個都很擔心票數的不足，站在atrium大海撈針般地去問每一個路人時候他/她是否full member，每當有人點頭，我都壓抑不住內心的興奮。
過程中有喜，當然有悲。最失落、捨不得當然係莊員嘅離去，月有陰晴圓缺，人當然都有悲歡離合。離開的當然會使留下的士氣大挫，但係也令我們學懂好好珍惜留下的每一個。我是這樣對自己說的。
External Vice-Chairperson : AL
轉眼間就結束左Promotion period，回首幾個月前一班互不相熟嘅人在meeting room com 莊，到依家變成能互相扶持的莊員，真係一件奇妙的事情。
途中當然是辛苦的。由Prep Prop開始，每個星期都去工展會、美食節、玩具展攞珍珠板、拆紙皮、拎玩具。一開始覺得係咁問人攞野好尷尬，但見到莊員們好落力咁問，完全唔介意他人目光，自己都會盡力去做。但最攰就梗係攞完仲要搬番去科大，再抬上hall。有一次仲要來回折返幾次大斜，真係仲攰過跑campus run。
到整dec果時，自問自己勞作同美術嘅才能不太好，有時仲會唔小心拆左dec。幸好一班莊員互相體諒，分配一些比較簡單的工作（雖然我用間尺都間唔到直線）。為左整大dec，大家都係common 5+6 經歷過無數嘅通宵，最後見到大岩蛇成左型，真係好有成功感。
Pro P 最難忘的事情莫過於chanting ，以前覺得chanting係成班人日曬雨淋咁嗌，好辛苦好chur，但係自己親身經歷又係另一回事。初初帶chant時覺得好odd，但見到一班莊員肯同你一齊癲，仲越嗌越大聲，就覺得chanting 都幾正，幾有歸屬感。
最後不得不提及嘅肯定係上莊嘅支持同提點。如果冇左你們嘅意見同幫助，大概我們連Pro P都做唔成。Pro p 依段日子充滿著感動、不捨、驚喜同挫敗，幸好身邊有一班莊員一同分享，互相支持，先令我能堅持下去。好多謝你地同埋每一位member嘅支持。
Financial Secretary : Jony
咁就三月啦，ProP終於捱完左啦，其實都真係好辛苦。講到有乜感想，真心嘅，多謝有班莊員。冇莊員真係頂唔到咁耐，冇莊員都唔會做到其他人睇落咁傻嘅野。
一開頭去啲展執野，成班去唔同攤檔到mark珍珠板、紙皮，係唔識點做架啦，咪幾個幾個去唔知醜咁問啲檔主囉，諗起都覺得尷尬。之後漁農節就最開心囉，因為可以話拆唔到啲高嘅板，拆其他又要拆到好似偷野咁，其實又好似由頭到尾都冇點捉我地😂😂。
跟住Prep ProP同ProP係乜都一齊經歷過，睇日出呀，瞓common唔沖涼呀，半日整一個game再用5秒跌爛左，企係atrium亂咁派啲stickers同file比人，chanting成班一齊大叫，一切都係一班人咁過，係開心嘅，係青春嘅。傳說話prop會瘦，不過好似因為係咁食啲宵夜同零食，我好似係肥左，不過個啲係精神食糧，講起又想成班人去清哂大埔仔啲溏心蛋。成支莊由冇乜art sense變到用閃紙就係有art sense，都可以話係想法慢慢相似😎😎
Pro P完啦，咁多位鐘意讀書嘅莊員有得讀書啦，大家終於有機會讀到人生第一次過3啦😤😤啲人話青春係一齊做一啲大個唔想再做嘅事，我相信ProP一定係我其中一件最難忘嘅青春。
Promotion Secretary : Natalie
時光荏苒，回想當初純粹有著豐富大學生活，擴闊社交圈子的想法就決定上莊，當時上莊在我們正式成為候選內閣之時曾叮囑，上莊並不是一件簡單的事，請我愼重考慮。此時此刻，由成為候選內閣，經過prep prop，prop，polling，到現在成為當選內閣，期間種種經歷，讓我發現，上莊要面對的遠比我想像中多很多。
成為候選內閣不久，過莊資訊如排山倒海般湧來，我開始接觸從未接觸的事物，例如photoshop。從未接觸過photoshop的我，那一刻突然收到不同指示，要設計各種有關內閣的推廣作品，我無從入手，需要不斷重做和改良，加上每日回校處理莊務，生活日夜顛倒，逐漸感覺喘不過氣來。莊員的關懷，默默的支持，如冬日暖陽般溫暖我的心，讓我毅然決定堅持下去。prop期間，因種種原因，莊員之間爭吵越來越多，各人持有不同想法，甚至有兩名莊員離開。當時我們一蹶不振，疲累不堪，我們想過放棄，亦想過離開。我自己亦曾有過離開的想法。追不上學業，面容憔悴，與家人多次爭吵，付出的被視為理所當然，多次被無理取鬧。我多次質問自己，到底我上莊是為了甚麼？也許，我追求的就是在烈日當下叫得聲嘶力竭那種熱血，與莊員立下決心去做好一件事的那種無悔，在停滯不前時莊員互相扶持的那種溫暖。希望在未來一年能與我的莊員製造更多難忘的回憶，共同體會這種一起吃苦的幸福。
Marketing Secretary : Hugo
“四蛇！畀個四我..” 那段在廣場熱血地dem beat的日子仍歷歷在目，好像是昨天發生的事。從prep pro p到現在，我絕不覺得辛苦和浪費時間，反而讓我開拓了眼界。
有人說:上莊，是一件很愚蠢的事。的確，但我是那種喜歡做傻事的人。你會找到一班與你一起做傻事的莊員。在大學中，找到志同道合的人是很困難的，但我卻認識了他們。每人雖有不同性格，但我們像是經已相識的朋友般，有著堅韌無比的羈絆和感情。
每當經過熙熙攘攘的大堂，我總是停下腳步，默默想起pro p的片段和回憶。莊員在細小的counter熱情地招待每位前來的人，向他們介紹我們每一位以及四蛇。我們亦花費心血設計了大量的禮物和遊戲，也令經過的人也停下來領取和遊玩。每一天，莊員的身影停留在火雞廣場。他們向剛回校的同學說早安，在寒冬清晨送暖意，也許記得他們的人不多，亦沒瞧上兩眼，但他們抵著寒冷及渴睡，只想向科大人傳達四蛇溫暖的一面。每一天中午，莊員在熾熱陽光下聲嘶力竭地咆哮，仰天長嘯，為的是讓人聽見我們的聲音，認識我們。
最終，在眾多會員支持和見證下，我們成功撐過pro p，共同上莊。我想感謝我們的會員，沒有你們支持和鼓勵，也不會有我們。而且也想感謝莊員，沒有每一位的堅持，我們根本無法走下去。感謝你們能夠陪伴我，在心靈及行動上互相支持和幫助。在未來一年莊期內，我盼望每位能不忘初衷，堅定不移地做好每一件事。我地係！科大！四蛇！Sirius﹗
Publication Secretary : Wing
由一開始喺招莊會知道2月有prop呢樣野嘅時候，我就一直好期待prop🤣。
喺大約12月尾1月頭，我地開始密集式prep prop。同莊員一齊去唔同嘅展去拎珍珠板同紙皮 ，呢次絕對係我第一次放膽錦厚面皮周圍去唔同舖頭到問人拎珍珠板,諗番起都好難忘😎。喺同一個展裡面有各大各soc嘅人一齊去爭珍珠板，Sirius莊員們都好落力去拎💪🏻，希望拎得比其他soc多。的確，每一次去完唔同展都會好累🙁，每次隻手都好酸痛😭，但都係值得嘅！因為如果唔錦落力，就唔會有足夠材料去整prop嘅靚靚大dec同game。
另外，1月係我地整dec嘅衝刺階段。我地每一個莊員都要日日留喺科大整dec，日整夜整，日整再夜整🙈。過程中有苦有甜，苦🙁就係會好累，試過迷惘過點樣整game出嚟，試過好掛住屋企，試過同莊員意見不合。甜💕就係見到大家一齊奮鬥一齊去整唔同嘅dec係一件好青春嘅事，互相支持陪伴好warm好sweet。
到prop嘅時候，我地要周圍yo人，yo member去我地counter到玩game。一開始，我好怕醜😳，慢慢愈嚟愈大膽，放膽去邀請人嚟counter同埋向佢地介紹四蛇同Sirius，見到有更多人認識我地Sirius就開始有成功感😍。prop裡面當然唔少得chanting,每日一點唔同soc都要喺atrium到chanting。呢樣係一件好熱血嘅事，我地全部人都好團結錦chant💪🏻，帶住一個好得意嘅兔耳仔係炎熱嘅天氣下chant，可能路人唔明白chanting嘅意義，但我覺得係好有意義，而且愈嗌Sirius團火就愈猛火🔥。
好開心可以喺prop識到唔同嘅人，唔同嘅member☺。見到member嘅支持，的確比左好大動力我。到polling嘅時候，大家都好緊張，係錦邀請人嚟投票。最後見到成功當選，的確好滾動。我希望呢一年可以同莊員開開心心錦過☺，一齊捱下去，服務好每一個member，搞好每一個function。 Sirius, 讓我們一起走下去！❤
General and Welfare Secretary : Issac
當初一心想上莊只係為爛grade搵藉口，
到美食展工展會玩具展以至日日留守科大整dec整到唔捨得走，
最後見莊員仲多過見自己屋企人亦變成最佳損友，
我先至發覺上莊可以話係有苦有甜嘅美麗邂逅......
由第一次招莊會大家都仲係同自己個批朋友玩，我就仲係一個小毒毒無人無物嘗試融入去，到之後短短一個禮拜去埋稻香齊哇哇打邊爐，然後傾到一支有雛形嘅莊出嚟，都咪話唔興奮。如果時間真係倒退，我諗我都係會選擇上莊。
「會不會 有一天 時間真的能倒退
退回 你的我的 回不去的 悠悠的歲月」
有人話：「科大讀書chur」我就話：「科大上莊仲chur」今個一月真係畀我試到唔chur唔知身體好呢個概念。最記得就係要晨早流流去美食展m珍珠板，本來就已經「萬事俱備」，我哋分好晒組mark好晒邊啲鋪頭可以落手，仲見到其他soc甚至係其他u加入戰場，都懷住永不放棄嘅精神，但係奈何「東風」無到不得止，仲因為有保安嘅阻撓而搞到我哋要搬住非常稀少嘅珍珠板到會展樓下食「西北風」，果種親眼比人哋一手破壞我哋咁辛苦得到嘅嘢嘅感覺都真係幾難忘，亦都算係一種磨練。
「成熟就是 幻想幻滅 一場磨鍊
為什麼 只有夢想 越磨越小 小到不見」
係短短一個月裡面，我哋由只係得初步嘅規劃，到真係落手落腳慢慢一步一驚心逐個dec逐個game砌出嚟，老實講咁多嘢要搞都真係心很累，但係隨之而來更多嘅係滿足同埋成功感。一向都冇乜藝術天份嘅我都係做一個「輔助」嘅角色，幫手買唔同嘅材料同埋搬搬抬抬。自問自己一定唔係pro p 裡面嘅「mvp」，但係至少咁多位莊員好比心機整嘢「打團戰」嘅時候，我都會陪住佢哋。就算面對時間不足，設計不似預期但要走總要飛嘅難題，大家都非常齊心好努力去拆掂，甚至癲到屋企都唔返，留響common通宵達旦繼續整，亦整咗一個類似有瓦遮頭嘅位訓覺，搞到我哋變咗最遲走最早嚟嘅nom cab，認真夠難忘。
「天空不斷 黑了又亮 亮了又黑
那光陰 滄海桑田 遠走高飛 再沒力氣追」
到真係pro p嘅階段，每日準時開counter整早餐下午茶都係一大挑戰，但係最chur嘅就一定要提chanting，響日曬雨淋嘅piazza之下，揸住支旗chant到2046，聲嘶力竭嗌破喉嚨破音高音乜都試過，但係見住有咁多人一齊去秉承科大呢個咁青春嘅傳統，真係夠晒熱血，不過真係，熱血一個月就夠，唔好再試多一次......
pro p中間都少不免一啲拗撬不和或者真係feel到唔可以再捱落去嘅諗法，雖然人事上有啲調動，士氣點都會有啲影響到，但係都要繼續保持心態繼續去宣傳自己嘅nom cab，誠心希望polling夠票。
「終究會 有一天 我們都變成昨天
是你 陪我走過 一生一回 匆匆的人間」
pro p完咗之後真係成個人都鬆晒，但係緊接而嚟嘅係更多嘅agm egm 同埋活動，雖然我同莊員仲有好長嘅路要行，但係經歷咗呢幾個月嘅刻骨銘心之後，係度衷心希望大家一路firm落去！
「也許會 有一天 世界真的有終點
也要和你舉起回憶釀的甜 和你再乾一杯」
莊員們，我們乾杯吧！